काठमाडौं । रसुवागढी क्षेत्रमा आएको बाढीबाट भएको क्षति र उद्धार तथा राहतका विषयमा छलफल गर्न नेकपा एमालेको केन्द्रीय सचिवालयको आकस्मिक बैठक बस्ने भएको छ।
एमाले पार्टी केन्द्रीय कार्यालय च्यासलमा आज दिउँसो ३ बजे सचिवालयको आकस्मिक बैठक बोलाइएको हो।
बैठकमा रसुवागढी क्षेत्रमा बाढीबाट भएको जनधनको क्षति, प्रभावितको उद्धार तथा राहत, खोजी कार्य र आगामी दिनमा पार्टीका तर्फबाट गर्नुपर्ने सहयोगका विषयमा छलफल हुने बताइएको छ।
बाढी प्रभावित क्षेत्रमा राज्यका निकायसँगको समन्वयमा उद्धार, खोज तथा राहत कार्यलाई प्रभावकारी बनाउने विषयमा समेत बैठकमा आवश्यक निर्णय हुन सक्ने जनाइएको छ।
