काठमाडौं । नेपाल सरकारको सूचना तथा सञ्चार मन्त्रालयले विज्ञापन बोर्डको अध्यक्ष पदका लागि आवेदन आह्वान गरेको छ।
मन्त्रालयले बुधबार सूचना प्रकाशित गर्दै विज्ञापन डबोर्डको अध्यक्ष पदमा एक जना उम्मेदवार छनोट गरी नियुक्त गर्नुपर्ने भएकाले योग्य तथा इच्छुक नेपाली नागरिकलाई आगामी साउन ८ गते (शुक्रबार) कार्यालय समयभित्र दरखास्त पेस गर्न आग्रह गरेको हो।
मन्त्रालयका अनुसार अध्यक्ष पदका लागि आवश्यक न्यूनतम योग्यता, दरखास्त फाराम, आवेदनसँग संलग्न गर्नुपर्ने कागजात तथा अन्य विस्तृत विवरण मन्त्रालयको आधिकारिक वेबसाइटमा उपलब्ध गराइएको छ।
इच्छुक उम्मेदवारहरूले तोकिएको म्यादभित्र आवश्यक कागजातसहित आवेदन पेस गर्न मन्त्रालयले अनुरोध गरेको छ।
