काठमाडौं । भोलि (बिहीबार) का लागि बोलाइएको प्रतिनिधिसभा बैठक स्थगित भएको छ।
संघीय संसद् सचिवालयले सूचना जारी गर्दै बिहीबार बिहान ११ बजे बस्ने तय भएको बैठक विशेष कारणवश सञ्चालन हुन नसक्ने जनाएको हो।
संसद् सचिवालयद्वारा जारी सूचनाअनुसार बैठक अब शुक्रबार दिउँसो १ बजे बस्नेछ।
संसद्का महासचिव पद्मप्रसाद पाण्डेय ले बैठक स्थगित गरिएको जानकारी दिँदै नयाँ समयअनुसार शुक्रबार बैठक आह्वान गरिएको बताएका छन्।
