काठमाडौँ । प्रतिनिधिसभाको आइतबारको बैठकमा प्रधानमन्त्री बालेन्द्र शाहको सम्बोधनपछि सांसदहरूको आचरणलाई लिएर सभामुख डोलप्रसाद अर्यालले ध्यानाकर्षण गराउँदै सचेत गराएका छन्।
बैठकका क्रममा प्रधानमन्त्रीको जवाफ सकिएलगत्तै एमालेका ऐनबहादुर महर तथा श्रम संस्कृति पार्टीका ध्रुवराज राई र आरेन राईले सभामुखको अनुमति बिना नै उठेर अस्वाभाविक व्यवहार देखाएको भन्दै सभामुखले आपत्ति जनाएका हुन्।
सांसदहरूले समय नपाएको अवस्थामा समेत प्रक्रियाभन्दा बाहिर गएर अभिव्यक्ति र व्यवहार गरेको विषयमा सभामुख अर्यालले मर्यादा कायम गर्न र संसदीय नियमअनुसार चल्न निर्देशनसहित सचेत गराएका छन्।
