काठमाडौँ: कानुन, न्याय तथा संसदीय मामिला मन्त्री सोविता गौतम र नेपालका लागि चीनका राजदूत झाङ माओमिङ बीच शुक्रबार शिष्टाचार भेटवार्ता भएको छ।
मन्त्रालयमा भएको उक्त भेटमा दुई देशबीचको आपसी सम्बन्ध र द्विपक्षीय हितका विविध पक्षमा छलफल भएको हो।भेटका क्रममा मन्त्री गौतमले वर्तमान सरकारको मुख्य प्राथमिकताका बारेमा राजदूत झाङलाई जानकारी गराएकी थिइन्।
उहाँले सरकारले विशेषगरी सुशासन र विधिको शासनस् राज्यका निकायहरूलाई थप पारदर्शी र उत्तरदायी बनाउने। आर्थिक तथा सामाजिक विकासस् नागरिकको जीवनस्तर सुधारका लागि उत्पादनशील क्षेत्रमा जोड दिनेर डिजिटल रूपान्तरणस् सरकारी सेवा र प्रशासनिक कार्यलाई प्रविधिमैत्री बनाउँदै डिजिटल युगको अभ्यास गर्ने। क्षेत्रलाई केन्द्रमा राखेर काम गरिरहेको बताइन् ।
भेटमा दुवै पक्षले नेपाल र चीनबीचको ऐतिहासिक सम्बन्धलाई अझ सुदृढ बनाउँदै लैजाने प्रतिबद्धता व्यक्त गरेका छन्। छलफलका क्रममा नेपालका प्राथमिकता प्राप्त क्षेत्रहरूमा चिनियाँ लगानी भित्र्याउने , नेपालको पर्यटन प्रवर्द्धनमा चिनियाँ सहयोग र पर्यटकको आगमन बढाउने र दुई देशका कानुनी प्रणाली र न्यायिक सुधारका क्षेत्रमा अनुभव आदानप्रदान तथा प्राविधिक सहयोग विस्तार गर्ने क्षेत्रमा सहकार्य विस्तार गर्ने विषयमा सकारात्मक संवाद भएको जनाईएको छ ।
राजदूत झाङले नेपालको विकास प्रक्रिया र डिजिटल रूपान्तरणको प्रयासमा चीनको निरन्तर सहयोग रहने आश्वासन दिएका छन्।
