काठमाडौं। प्रतिनिधि सभाका सभामुख डोलप्रसाद अर्यालको समुपस्थितिमा आज प्रतिनिधि सभामा प्रतिनिधित्व गर्ने सबै दलका प्रमुख सचेतक तथा सचेतकहरूसँग महत्वपूर्ण छलफल हुने भएको छ।
संसद सचिवालयका अनुसार कूटनीतिक राहदानी सिफारिस लगायतका समसामयिक विषयमा केन्द्रित उक्त छलफल कार्यक्रम बिहान १० बजे संसद सचिवालयस्थित काठघर (कानुन समितिको हल)मा आयोजना हुन लागेको हो।
कार्यक्रममा सहभागी हुन सम्बन्धित सबैलाई हार्दिक अनुरोध गरिएको छ। छलफलबाट संसदसँग सम्बन्धित प्रक्रियागत तथा नीतिगत विषयमा साझा धारणा निर्माण हुने अपेक्षा गरिएको छ।
