इङलिस प्रिमियर लिग अन्तर्गत आइतबार राति भएको खेलमा म्यान्चेस्टर युनाइटेड विजयी भएको छ । युनाइटेडको गृह मैदान ओल्ड ट्राफोर्डमा भएको खेलमा युनाइटेडले एस्टन भिल्लालाई ३—१ गोल अन्तरले पराजित गरेको हो ।
यो जितसँगै युनाइटेडले ३० खेलबाट ५४ अंक जोड्दै लिगको तेस्रो स्थानमा यथावत रहेको छ । चौथो स्थानमा भने एस्टन भिल्ला रहेको छ र उसको ५१ अंक छ ।
युनाइटेडका लागि ५४औं मिनेटमा कासेमिरोले पहिलो गोल गरेका थिए । तर त्यसको दश मिनेटपछि ६४औं मिनेटमा एस्टन भिल्लाका लागि रस बार्कलेले गोल फर्काए र स्कोर १—१ को बराबरीमा रह्यो ।
तर ७१औं मिनेटमा म्याथिस कुन्हाले टिमका लागि दोस्रो तथा ८१ औं मिनेटमा स्थानापन्न खेलाडी बेन्जामिन सेस्कोले युनाइटेडका लागि गोल गरे ।
आजै सम्पन्न क्रिस्टल प्यालेस र लिड्स युनाइटेड बीचको खेल गोल रहीत बराबरीमा सकिएको थियो भने नटिङघम फरेस्ट र फुलह्याम बीचको खेल पनि गोल रहीत टुंगियो ।
आजै राति लिभरपुल र टोटेनह्याम हस्पर्स बीच नेपाली समय अनुसार राति १०.१५ बजे खेल हुँदैछ ।
अंक तालिका
