काठमाडौँ । गत शनिबार इरानले गरेको हवाई आक्रमणमा परी युएइमा मारिएका दिवस श्रेष्ठको शव आज काठमाडौँ ल्याइने भएको छ । उहाँको पारिवारिक स्रोतले दिएको जानकारी अनुसार शनिबार दिउँसो १ः३० बजे एयर अरेबियाको जहाजबाट काठमाडौँ ल्याइने तयारी भएको छ ।
साथै आजै ४ः३० बजे पशुपति आर्यघाटमा दाहसंस्कार गरिने पनि पारिवारिक स्रोतले जनाएको छ । हाल युएइमा रहेका गोरखा निवासी श्रेष्ठको गत शनिबार इरानले गरेको हवाई आक्रमणमा परी ज्यान गएको थियो ।
शनिबार अमेरिका र इजरायलले इरानमा हमला गरेपछि इरानले पनि युएइमा रहेको अमेरिकी सैनिक शिविरमा आक्रमण गरेको थियो । त्यस क्रममा नेपालका दिवस सहित पाकिस्तान, बंगलादेशका समेतगरी ४ जनाको ज्यान गएको थियो ।
