काठमाडौं। टी–२० विश्वकपको दोस्रो सेमिफाइनल खेलमा भारतले इंग्ल्यान्डलाई २५४ रनको लक्ष्य दिएको छ ।
टस हार्दै पहिले ब्याटिङको निम्तो पाएको भारतले निर्धारित २० ओभरमा ७ विकेट गुमाउँदै २५३ रन बनाएको हो ।
भारतका लागि ओपनर सञ्जु श्यामसनले ८९ रनको आक्रामक पारी खेले । उनले ४२ बलमा ८ चौका र ७ छक्का प्रहार गरे । ४ छक्का र एक चौकासहित शिवम दुवेले ४३ रन बनाए भने इशान किशनले १८ बलमा ३९ र हार्दिक पाण्ड्याले २७ रन बनाए ।
तिलक वर्माले मात्र ७ बलमा २१ रन बनाए भने कप्तान सूर्यकुमार यादवले ११ रन बनाए ।
त्यस्तै इङल्याण्डका बलर विल ज्याक र आदील रशिदले २-२ विकेट लिएका थिए ।
