काठमाडाैँ । प्रतिनिधिसभा सदस्य निर्वाचनको मतगणना देशभर १६५ निर्वाचन क्षेत्रमा सम्पन्न हुने तयारी भएको छ।
निर्वाचन आयोगका अनुसार प्रत्यक्षतर्फ (पहिलो हुने निर्वाचित प्रणाली)को मतगणना सम्बन्धित निर्वाचन क्षेत्रअन्तर्गतका मतदानस्थलबाट मतपेटिका निर्वाचन अधिकृतको कार्यालयमा सङ्कलन भएलगत्तै सुरु गरिनेछ।
मतगणना अघि जिल्ला र निर्वाचन क्षेत्रस्तरमा सर्वदलीय बैठक बस्ने छ। आयोगले प्रत्यक्षतर्फको मतपरिणाम गणना सुरु भएपछिको २४ घण्टाभित्र नतिजा सार्वजनिक गर्ने तयारी गरेको जनाएको छ। प्रत्यक्षतर्फको मतपरिणाम सार्वजनिक भएपछि समानुपातिकतर्फको मतगणना सुरु गरिनेछ।
