आइसिसि टी–२० विश्वकप क्रिकेट अन्तर्गत आज श्रीलंकाको पालिकेल्लीमा सम्पन्न लिग चरणको खेलमा आयोजक श्रीलंकाले अस्ट्रेलियालाई ८ विकेटले पराजित गरेको छ ।
अस्ट्रेलियाले जितका लागि दिएको १८२ रनको ठूलो लक्ष श्रीलंकाले १८ ओभरमै दुई विकेट गुमाएर लक्ष पूरा गरेको थियो ।
श्रीलंकाली ओपनिङ ब्याटर पाथुम निशान्काको शतक तथा कुसल मेन्डिसको अर्धशतक मद्दतले अस्ट्रेलिया हार व्यहोर्न बाध्य भयो । निशान्काले अविजित १०० रन बनाएका थिए । उनले १० चौका र ५ छक्का प्रहार गरे । मेन्डिसले पनि १ छक्का र छ चौका मद्दतले ५१ रन बनाए ।
यो जितसँगै श्रीलंका लगातार तीन खेल जितेर ६ अंकका सात सुपर ८ मा प्रवेश गरेको छ । अस्ट्रेलिया भने जिम्बाबे र श्रीलंकासँग पराजित भएपछि दुई अंकमा रहेको छ ।
आज साँझ ७.१५ बजे भएको यस खेलमा टस जितेर श्रीलंकाले अस्ट्रेलियालाई पहिले ब्याटिङका लागि आमन्त्रण गरेको थियो ।
अस्ट्रेलियाले तिब्र गतिमा रन बनाएको थियो । कप्तान मिचेल मार्सले ५४ तथा ट्राभिस हेडले ५६ रन बनाएर पहिलो विकेटका लागि १०४ रनको साझेदारी गरेका थिए ।
उनीहरुले ८.३ ओभरमै १०० रन बनाइसकेका थिए । यस्तो लाग्थ्यो, अस्ट्रेलियाले २० ओभरमा २०० बढी रन जोड्ने छ ।
तर यहबीच श्रीलंकाले बलर र फिल्डिङमा नाटकीय सुधार ल्यायो । दुशन हेमन्थ, दुश्मन्थ चमिरा लगायतले विकेट लिएर अस्ट्रेलियालाई कम स्कोरमा रोक्न सफल भए ।
सुपर ८ मा प्रवेश गरेका टिमहरु
समूह ए – भारत
समूह बी – श्रीलंका
समूह सी – वेस्ट इन्डिज
समूह डी – दक्षिण अफ्रिका
मंगलबारका खेलहरु
पहिलो खेल : क्यानडा vs न्युजील्यान्ड (११.१५ बजे)
दोस्रो खेल : आयरल्यान्ड vs जिम्बाबे (३.१५ बजे)
तेस्रो खेल : नेपाल vs स्कटल्यान्ड (७.१५ बजे)
