अस्ट्रेलियन ओपन टेनिसको उपाधि यसवर्ष विश्व वरियतामा १ नम्बरमा रहेका स्पेनी खेलाडी कार्लोस अल्काराजले जितेका छन् ।
यो वर्षको पहिलो ग्रान्डस्लाम उपाधि भिडन्तमा अल्काराजले विश्व वरियतामा चौथो स्थानमा रहेका सर्बियाली खेलाडी नोभाक जोकोभिकलाई ३–१ सेटले पराजित गरेका थिए ।
पहिलो सेट नोभाकले २–६ ले जितेर राम्रो सुरुवात गरे पनि त्यसपछिका तीनवटा सेट लगातार अल्काराजले जितेका थिए । मैदानमा त्यति स्वस्थ नदेखिएका नोभाकले ६–२, ६–३ र ७–५ ले सेट गुमाएका थिए । यद्यपि चौथो सेट निकै प्रतिस्पर्धात्मक भएको थियो ।
३८ वर्षीय नोभाकले यसअघि अस्ट्रेलियन ओपनको उपाधि सन् २००८, २०११, २०१२, २०१३, २०१५, २०१६, २०१९, २०२०, २०२१ र २०२३ मा गरी १० पटक जितिसकेका छन् । उनले ३८ वटा ग्रान्डस्लाममा भाग लिएकामा २४ पटक उपाधि जित्नुका साथै १३ वटामा उपविजेता भएका थिए ।
उता, नवयुवा अल्काराज २२ वर्षका छन् । उनले फ्रेन्च ओपन २ पटक, विम्बल्डन २ पटक र युएस ओपन २ पटक जितिसकेका छन् । यसवर्ष २०२६ मा उनको यो पहिलो अस्ट्रेलियन ग्रान्डस्लाम उपाधि हो ।
