काठमाडौँ । नेकपा (माओवादी केन्द्र)ले युरोपका विभिन्न १९ देशमा संगठन विस्तार गरेको छ ।
महाधिवेशन अघि नै युरोपका १९ देशहरुमा अधिवेशन गरेर नयाँ कमिटी बनाएको माओवादीले जनाएको छ ।
नेकपा माओवादी केन्द्र प्रवास समिति प्रमुख निर्वाचन आयुक्त समेत रहेका सुरेन्द्र नेपाल श्रेष्ठका अनुसार ती देशहरुमा जनप्रगतिशील मञ्चका नाममा १९ देशमा अध्यक्ष, उपाध्यक्ष, महासचिव, सचिव कोषाध्यक्षसहित नयाँ कार्यसमिति चयन गरिएको हो ।
माओवादीले जर्मनी, पोर्चुगल, नेदरल्याण्ड, आयरल्याण्ड, डेनमार्क, स्पेन, बेलायत, बेल्जियम, अष्ट्रीया, चेक रिपब्लिक, फ्रान्स, पोल्याण्ड, क्रोयशिया, स्वीजरल्याण्ड, इटाली, नर्वे, माल्टा, साइप्रसमा संगठन विस्तार गरेको छ ।
माओवादीले निकट भविष्यमै रोमानिया, स्लोभेनिया, स्लोभाकिया, हंगेरी, रसिया, फिनल्याण्ड र टर्कीमा समेत संगठन विस्तार गर्ने तयारी गरेको जनाएको छ ।
