• ६ बैशाख २०८१, बिहीबार
  •      Thu Apr 18 2024
  •   Unicode
Logo
Latest
★   दाहाल, ओली र रविबीच भेटः राजनीतिक घटनाक्रमबारे समीक्षा ★   राष्ट्रिय मानव अधिकार आयोगको सचिवमा मुरारीप्रसाद खरेल नियुक्त ★   चीनको केन्द्रीय बैंकका पूर्वडेपुटी गभर्नरमाथि घुस लिएको आरोप ★   अल्पमत भयो भन्दैमा कुर्सी छोडेर हिँड्ने भन्ने हुँदैन, प्रक्रिया पूरा गर्नुपर्छः उद्धव थापा ★   मुनाफा नभए पनि टेलिकमले दूरदराजमा गुणस्तरीय सेवा दिनुपर्छः मन्त्री शर्मा ★   सुदूरपश्चिमको मुख्यमन्त्रीमा एकीकृत समाजवादीका सोडारी नियुक्त ★   मधेशका मुख्यमन्त्री यादवले गरे मन्त्रीपरिषद् बिस्तार ★   कोशी प्रदेश सभामा संकल्प प्रस्ताव टेबलः मागियो मुख्यमन्त्रीको राजीनामा ★   अरुको जस्तो मेरो पाइपलाइनमा १० वटा फिल्महरु छैनन्, अर्को फिल्म के हुन्छ थाहा छैनः अनमोल… ★   अल्पमत भयो भन्दैमा कुर्सी छोडेर हिँड्ने भन्ने हुँदैन, प्रक्रिया पूरा गर्नुपर्छ: उद्धव थापा

युवा पत्रकारिता पुरस्कार बाट चार सञ्चारकर्मीहरु सम्मानित



काठमाडौं । युवा तथा खेलकुद मन्त्रालयले युवा पत्रकारिता पुरस्कार बाट चार सञ्चारकर्मीहरुलाई सम्मान गरेको छ । मन्त्रालयले आइतवार राष्ट्रिय युवा प्रतिभा सम्मान तथा युवा पत्रकारिता पुरस्कार वितरण कार्यक्रमका बिच युवाको क्षेत्रमा कलम चलाउने चार सञ्चारकर्मीहरुलाई नगद पचास हजार रुपैँया पुरस्कार सहित सम्मान गरेको हो ।

सम्मानित हुनुहुने सञ्चारकर्मीहरुमा सञ्चारिका समूहकी बसन्ती बास्तोला, सुदूरआज डटकमका पूर्णबहादुर खड्का, खबरकुञ्ज डटकमका सिताराम ओझा र नेपाल प्रेस डटकमका केशवबहादुर भुल रहनुभएको छ । युवा तथा खेलकुद मन्त्री महेश्वर जंग गहतराजले सम्मानित सञ्चारकर्मीहरुलाई पुरस्कार राशिको चेक र सम्मानपत्र प्रदान गर्नुभयो । कार्यक्रममा बोल्दै मन्त्री गहतराजले सम्मानित व्यक्तित्वहरुको समाज र देशप्रतिको दायित्व बढेको बताउनुभयो । राज्यले गरेको सम्मानलाई बचाइराख्ने चुनौती थपिएको भन्दै उहाँले आगामी दिनमा थप युवाहरुको पक्षमा उदाहरणीय काम सञ्चारकर्मीहरुबाट हुनेमा विश्वास व्यक्त गर्नुभयो ।

सञ्चारकर्मी केशवबहादुर भुलले मन्त्रालयले दिएको सम्मानबाट आफुहरुलाई थप हौसला मिलेको बताउनुभयो । उहाँले युवाहरुको क्षेत्रमा अझै धेरै लेख्नका लागि चुनौती थपिएको पनि बताउनुभयो । मन्त्रालयलाई सम्मानका लागि सही व्यक्ति छानेको आभाष दिलाउने गरी आगामी दिनमा पनि युवाहरुको क्षेत्रमा लेख्ने उहाँले बताउनुभयो ।

त्यसैगरी मन्त्रालयले राष्ट्रिय युवा प्रतिभा सम्मान २०७८ बाट १२ जना युवाहरुलाई सम्मान गरेको छ । सम्मानित हुनेहरुमा हिमकुमारी उपाध्याय, धिर्जबहादुर उपरकोटी, मंगल बहादुर विष्ट, सन्तोष बोटे, कुशलचन्द्र अधिकारी र कुसुम केसी रहनुभएको छ । त्यस्तै, सुमित्रा घिमिरे, राजन गौतम, राज कुमारी पौडेल, राजाराम गुरुङ, अशोक शर्मा भट्ट र खिमप्रसाद पन्थी सम्मानित हुनुभएको छ ।