काठमाडौं । नेपाल प्रीमियर लिग (एनपीएल) अन्तरगत लुम्बिनी लायन्सले पोखरा एभेन्जर्सलाई पराजित गरेको छ । भर्खरै सम्पन्न खेलमा लुम्बिनीले पोखरालाई ३ विकेटले हराएको हो ।
१५१ रनको लक्ष्य पछ्याएको लुम्बिनीले १९.४ ओभरमा ७ विकेटको क्षतिमा लक्ष्य भेट्टायो ।
उसका लागि रोहित पौडेलले ४०, निरोशन डिकवेलाले ३७, गुलबदिन नइबले १७, सन्दीप जोराले अविजित २५ रनको योगदान दिए ।
वलिङतर्फ पोखराका बिपिन खत्री सागर ढकाल र म्याट टेलरले दुई दुई तथा जिम्मी निशमले एक विकेट लिए ।
त्यसअघि टस हारेर पहिले ब्याटिङमा उत्रिएको पोखराले २० ओभरमा ५ विकेटको क्षतिमा १५० रन जोड्यो ।
उसका लागि आडम रोसिङ्टनले अर्धशतक बनाए । ६३ बल खेलेका उनले सात चौका र पाँच छक्काको मद्दतले ८१ रन जोडे । यस्तै जिम्मी निशमले पनि अर्धशतक बनाए । ३२ बल खेलेका उनी ५१ रनमा अविजित रहे । कप्तान कुशल भुर्तेल र सुमित वर्मा खाता पनि नखोली पभेलियन फर्किए ।
वलिङतर्फ लुम्बिनीका शेर मल्ल र तिलक भण्डारीले दुई दुई तथा गुलबदिन नइबले एक विकेट लिए ।
लुम्बिनीले पाँचमध्ये दुई र पोखराले चार खेलमध्ये एक खेल मात्र जितेको छ ।
