काठमाडौँ । गायिका नीतु पौडेलले आफ्नै शरीरमा पेट्रोल छर्किएर आत्मदाहको प्रयास गरेकी छन् ।
शनिबार दिउँसो अनामनगरस्थित एक रेकर्डिङ स्टुडियोबाहिर उनले आफ्नै जिउमा आगो लगाएको प्रहरीले जनाएको छ ।
उक्त स्टुडियो चर्चित गायक बबुल गिरीको रहेको छ ।
गम्भीररूपमा जलेकी पौडेललाई तत्काल उद्धार गरी कीर्तिपुरस्थित बर्न अस्पतालमा उपचारका लागि लगिएको प्रहरीले जनाएको छ ।
आत्मदाहको प्रयासको कारण भने अहिलेसम्म स्पष्ट भएको छैन । घटनाबारे थप अनुसन्धान भइरहेको प्रहरीले जनाएको छ ।
