काठमाडौं। प्रधानमन्त्री सुशीला कार्कीले आइतबार पाँच नयाँ मन्त्रीको नाम टुंगो लगाउँदै मन्त्रिपरिषद् विस्तारका लागि राष्ट्रपति रामचन्द्र पौडेलसमक्ष सिफारिस गरेकी छन्।
आइतबार प्रधानमन्त्री कार्कीले मन्त्रिपरिषद विस्तारका लागि थप पाँच जनाको नाम सिफारिस गरेको बालुवाटार स्रोतले बताएको छ। नयाँ मन्त्रीहरूको शपथ सोमबार हुनेछ।
स्वास्थ्य मन्त्रालयमा अतिरिक्त सचिव संगीता कौशल मिश्र, सञ्चार मन्त्रालयमा पत्रकार जगदीश खरेल, कृषि मन्त्रालयमा पूर्वराज्य पुनर्संरचना आयोग संयोजक मदन परियारलाई दिइएको छ।
त्यस्तै उद्योग मन्त्रालयमा सर्वोच्च अदालतका पूर्वन्यायाधीश अनिलकुमार सिन्हा र शिक्षा, विज्ञान तथा प्रविधि मन्त्रालयमा आविष्कार केन्द्रका संस्थापक महावीर पुन नियुक्त हुने पक्का भएको छ।
यसअघि अर्थ, ऊर्जा र गृहमन्त्रीमा क्रमशः रामेश्वर खनाल, कुलमान घिसिङ र ओमप्रकाश अर्याल नियुक्त भइसकेका छन्।
