काठमाडौँ। सरकारले भदौ २३ र २४ गतेका घटनाबारे अनुसन्धानका लागि उच्चस्तरीय न्यायिक जाँचबुझ आयोग गठन गरेको छ।
आज बसेको मन्त्रिपरिषद बैठकले पूर्वन्यायाधीश गौरीबहादुर कार्कीको अध्यक्षतामा तीन सदस्यीय आयोग गठन गर्ने निर्णय गरेको हो। आयोगका अन्य सदस्यमा पूर्वएआइजी विज्ञानराज शर्मा र कानुनविद विश्वेश्वरप्रसाद भण्डारी रहेका छन्।
गृहमन्त्री ओमप्रकाश शर्माका अनुसार आयोगलाई प्रतिवेदन बुझाउन ३ महिनाको समय दिइएको छ।
