काठमाडौं । राप्रपा नेपालले देशव्यापी आन्दोलनमा भएको प्रशासनको चरम दमनको घोर निन्दा र भर्त्सना गरेको छ ।
महामन्त्री राजाराम बर्तौलाले एक बिज्ञप्ति जारी गर्दे भ्रष्टाचार, कुशासन र सामाजिक सञ्जाल प्रतिबन्धको विरोधमा जेन जी पुस्ताले गरेको आन्दोलनमा हाल सम्म १६ जना निर्दोष र निहत्था युवाहरूको ज्यान जानुमा सरकार जिम्मेवार भएको ठहर गरेको छ ।
बिज्ञप्तिमा भनिएको छ-
भ्रष्टाचार, कुशासन र सामाजिक सञ्जाल प्रतिबन्धको विरोधमा Gen Z का युवा पुस्ताले आव्हान गरेको स्वस्फुर्त देशव्यापी आन्दोलनमा भएको प्रशासनको चरम दमनको राप्रपा नेपाल घोर निन्दा र भर्त्सना गर्दछ। सरकारी दमनको परिणामस्वरूप अहिलेसम्म प्राप्त जानकारी अनुसार १६ जना निर्दोष र निहत्था युवाहरूको ज्यान गएको छ, सयौँ घाइते भएका छन्।
निर्दोष युवाहरू माथि बर्बरतापूर्वक निर्मम आक्रमणको निम्ति पूर्णतया वर्तमान सरकार जिम्मेवार छ। स्कुल कलेज पढ्दै गरेका युवा र किशोरहरू माथि निर्ममतापूर्वक दमन गर्ने वर्तमान मन्त्रीपरिषद्लाई सत्तामा बस्ने कुनै नैतिक अधिकार छैन। प्रधानमन्त्री केपी शर्मा ओलीले तत्काल राजीनामा गर्नुपर्दछ।
महामन्त्री
