काठमाडौँ । अछामा दुई जना किशोरी झुन्डिएको अवस्थामा मृत भेटिएका छन् ।
अछामको तुर्माखाँद गाउँपालिका–६ मा दुई जना किशोरी एउटै रुखको एकै हाँगामा झुन्डिएको अवस्थामा बिहीबार मृत फेला परेका हुन् ।
घटनाबारे जानकारी पाउनसाथ प्रहरी निरीक्षकको टोली घटनास्थल तर्फ गइसकेको छ ।
दुवै जना किशोरी १७ गतेदेखि सम्पर्कविहीन रहेको बताइएको छ । घरका आफन्तहरूले खोजी गर्ने क्रममा आज बिहान घरदेखि केही दूरीमा रहेको वनमा झुन्डिएको अवस्थामा मृत फेला पारेका हुन् ।
मृत फेला पर्ने किशोरी अन्दाजी १६ र १३ वर्षका छन् । १६ वर्षकी किशोरी विवाहित रहेको बताइएको छ । उनको परिवारका अन्य सदस्यहरू रोजगारीका लागि भारतमा छन् ।
