काठमाडौँ । लिभरकुसेनले पूर्व म्यानचेस्टर युनाइटेड प्रशिक्षक एरिक टेन हागलाई दुई खेलपछि नै बर्खास्त गरेको छ ।
५५ वर्षीय टेन हागलाई गत असारमा जर्मन क्लबले नियुक्त गरेको थियो । उनले मे महिनामा जाबी अलोन्सोको स्थानमा दुई वर्षे करारमा प्रशिक्षक बनेका थिए । तर, बुण्डेसलिगाका पहिलो दुई खेलमा एक अंक मात्र हासिल भएपछि क्लबले उनलाई हटाएको हो ।
लिभरकुसेनले पहिलो खेलमा होफेनहाइमसँग २–१ ले हार बेहोरेको थियो भने दोस्रो खेलमा १० खेलाडीमा सीमित वर्डर ब्रेमेनसँग ३–३ को बराबरी गरेको थियो ।
क्लबका प्रबन्ध निर्देशक साइमन रोफ्लेसले भने “यस निर्णय लिन कसैलाई चाह थिएन, तर हालको संरचनामा सफल टिम बनाउन सम्भव नभएको प्रमाणित भयो ।”
लिभरकुसेन सीईओ फर्नान्डो कारोले भने, “सिजनको सुरुवातमै यस्तो निर्णय पीडादायी छ, तर आवश्यक थियो । हामी अझै पनि हाम्रो लक्ष्यप्रति प्रतिबद्ध छौं ।,”
