काठमाडौँ । इंग्लिस प्रिमियर लिग फुटबल अन्तर्गत लिभरपुलले जित निकालेको छ ।
गएराति भएको खेलमा साविक विजेता लिभरपुलले उपविजेता आर्सनललाई १–० गोलले हराएको हो ।
घरेलु मैदान एनफिल्डमा खेलको अन्त्यतिर डोमोनिक सोबोज्लाईले गोल गर्दै लिभरपुललाई जित दिलाए । ८३ औं मिनेटमा उनले फ्रिकिकबाट उत्कृष्ट गोल गर्दै टोलिलाई निर्णायक गोलसहित जित दिलाएका हुन् ।
लिभरपुलको यो लगातार तेस्रो जित हो । ९ अंकसहित टोलि शीर्षस्थानमा रहँदा ६ अंकसहित आर्सनल भने तेस्रो स्थानमा छ ।
