काठमाडौँ । बंगलादेशविरुद्धको मैत्रीपूर्ण खेलका लागि नेपाली राष्ट्रिय टोलीको घोषणा गरिएको छ ।
शुक्रबार नेपाली टोलीका मुख्य प्रशिक्षक म्याट रोसले गोलकिपर किरण चेम्जोङको कप्तानीमा २३ सदस्यीय राष्ट्रिय टोलीको घोषणा गरेका हुन् ।
टोलीमा अभिषेक लिम्बू, आदित्य शाक्य, अमित लामा, अनन्त तामाङ, अञ्जन विष्ट, ऐरिक विष्ट, दिप कार्की, दिनेश हेञ्जन, जिलेस्पी जंग कार्की, कुशल देउवा, लाकेन लिम्बू, मणिकुमार लामा, मनीष डाँगी, रणदीप पौडेल, रोहन कार्की, रोहित चन्द, समीर तामाङ, श्रृजन राज, सुवास ठकुरी बम, सुमन श्रेष्ठ, टिकेन्द्र थापा र योगेश गुरुङ छन् ।
नेपालले बंगलादेशसँग आगामी भदौ २१ र २४ गते दुई मैत्रीपूर्ण खेल खेल्दैछ । दुवै खेल काठमाडौँको त्रिपुरेश्वरस्थित दशरथ रंगशालामा सञ्चालन हुनेछ ।
