काठमाडौँ । इंग्लिस प्रिमियर लिग फुटबल अन्तर्गत म्यान्चेस्टर युनाइटेडले बराबरी खेलेको छ ।
गएराति भएको खेलमा युनाइेटले फुलहमसँग १–१ गोलको बराबरी खेल्दै अंक बाँडेको हो । ३८ औं मिनेटमा युनाइटेडले अग्रता लिने अवसर गुमायो । ब्रुनो फर्नान्डेज पेनाल्टीमा गोल गर्न चुके ।
खेलको ५८ औं मिनेटमा युनाइटेडले फुलहमको आत्मघाती गोलबाट अग्रता लिएको थियो । ७३ औं मिनेटमा एमिल स्मिथ रोएले गोल गर्दै फुलहमलाई बराबरीमा ल्याए ।
त्यसपछि दुबै टोलिबाट थप गोल हुन सकेन । फुलमहको यो लगातार दोस्रो बराबरी हो भने युनाइटेड यसअघिको खेलमा पराजित भएको थियो ।
