काठमाडौं । नेपालमा हालसम्म २२ जिल्लामा कोरोना फैलिएको छ । स्वास्थ्य तथा जनसंख्या मन्त्रालयका अनुसार देशका विभिन्न २२ जिल्लामा २ सय ४६ जना कोरोना संक्रमित भेटिएका हुन्।
मन्त्रालयका प्रवक्ता डा विकास देवकोटाका अनुसार बिहीबार काठमाडौंमा १ जना, कपिलवस्तुमा १ र नवलपरासी एक जना संक्रमित देखिएसंगै संक्रमितको संख्या २ सय ४६ जना पुगेका हुन्। हालसम्म सबैभन्दा बढी पर्सामा ८५, कपिलवस्तु जिल्लामा ३९, उदयपुरमा ३२, रुपन्देहीमा २८ जनामा कोरोना संक्रमण भेटिएको छ।
यस्तै काठमाडौंमा ६, धादिङमा १, बाग्लुङमा २, बारामा ३, रौतहटमा ३, धनुषा २, सप्तरी १, सर्लाही २, भोजपुर १, बाँके २५, बर्दिया १, कञ्चनपुर १, कैलाली ४, चितवन २ र झापामा २ जनामा संक्रमण देखिएको छ। नेपालमा भेटिएका संक्रमित मध्ये हालसम्म ३५ जना उपचार पछि निको भएर घरमा पर्केका छन्।
नेपालमा पहिलोपटक गत वर्ष जनवरी २३ मा कोरोना संक्रमित भेटिएका थिए। निको भएकामध्ये ३ जनामा पुनः संक्रमण देखिएको मन्त्रालयले जनाएको छ। हालसम्म सबैभन्दा कम उमेरका २ महिने शिशुमा र सबैभन्दा बढी ८१ वर्षीया वृद्धामा नेपालमा कोरोना संक्रमण पुष्टि भएको छ।
