हाम्रो देशको सिमाना मिचेको हो कि बेचेको हो ?
सन् २०१५ को मे १५ आजभन्दा पाँच वर्षअगाडी ।
घटना भारत र चीनबीच लिपुलेकमा ब्यापारिक नाका खोल्ने सम्झौता र संयुक्त वक्तब्य जारी
मिती सन् २०२० मे ८ भारतीय रक्षामन्त्री राजनाथ सिंहद्वारा भिडियो कन्फ्रेन्समार्फत धार्चुला-लिपुलेक लिङ्क रोड उद्घाटन ।
पाँच वर्षअगाडि नै हाम्रा शाशकहरु सबैलाई यो सब छर्लंग थियो कि धार्चुला लिपुलेक लिङ्क रोड सुरुवात हुनेछ । किनकी भारत र चीनबीच लिपुलेकमा ब्यापारिक नाका खोल्ने सम्झौता गरेर पाँच वर्षअघि नै संयुक्त वक्तब्य जारी भएको थियो । जतिवेला नेपालमा महेन्द्रबहादुर पाण्डे परराष्ट्रमन्त्री थिए । हामीले यो विषयलाई जय स्वाभिमानमार्फत् यति गम्भीररुपमा उठाएका थियौं कि हाम्रा शाशकहरुले ख्यालख्याल गरे ।
खासमा भारत र चीनबीचको यो योजनामा नेपालका मुट्ठीभर अदृश्य शोषकहरुले षड्यन्त्रु र चलखेल गरेको आशंका गर्न सकिन्छ किनकी यत्तिका वर्षसम्म उनीहरु मौन किन बसे र, अहिले लिंक रोडको उद्घाटन भएपछि किन रोइकराई गरेको जस्तो गरिरहेका छन रु अन्यथा पाँच वर्षअगाडि खुलेआमरुपमा हामी लिपुलेकमा ब्यापारिक नाका बनाउँदैछौं भनेर संयुक्त बक्तव्य नै जारी गरेपछिका यी वर्षहरुमा हाम्रा सरकारहरुले के गरे जवाफ कोसँग छरु। दि एक्स ब्याण्डको गीतजस्तै हाम्रो देशको सिमानालाई मिचेको हो कि बेचेको हो भनेर अब एकएक शाशकसँग हिसाव खोज्नुपर्ने वेला आएको छ । अब अत्ति भइसक्यो शाशकहरु, तिम्रा नांगो छलकपटले जनतामा असैह्य भइसक्यो !
