काठमाडौँ । भारत र इङ्ग्ल्याण्डबीचको एन्डरसन–तेन्डुलकर ट्रफीको पाँचौं तथा अन्तिम टेस्ट लन्डनको ओभल स्टेडियममा भइरहेको छ । बिहीबार खेलको पहिलो दिन शुभमन २१ रन बनाएर रनआउट भए ।
छोटो इनिङको बावजुद, उनले सुनील गावस्कर र ग्यारी सोबर्सको दुई रेकर्ड तोडे ।
यो इनिङसँगै हालको शृङ्खलामा उनको कुल रन ७४३ पुगेको छ । यससँगै शुभमन टेस्ट शृङ्खलामा सबैभन्दा धेरै रन बनाउने भारतीय कप्तान बने । उनले १९७८ मा वेस्ट इन्डिज विरुद्धको ६ टेस्ट शृङ्खलामा ७३२ रन बनाएका सुनील गावस्करको रेकर्ड तोडे ।
यसका साथै, शुभमनले इङ्गल्याण्डमा भएको टेस्ट शृङ्खलामा ७४३ रन बनाएर विदेशी कप्तानका लागि सबैभन्दा धेरै रन बनाउने खेलाडी पनि बने । यस क्रममा उनले वेस्ट इन्डिजका दिग्गज सर गारफिल्ड सोबर्सको रेकर्ड तोडे । सोबर्सले १९६६ मा ७२२ रन बनाएका थिए ।
