काठमाडौँ । नेपाली काँग्रेस सांसद उदय समशेर जबराले टे«किङ एड्भेन्चियर टुरिजम नेपालको निम्ति पहिलो प्राथमिकतामा पर्दै आएको बताउनुभएको छ ।
बुधवारको अन्तर्राष्ट्रिय सम्बन्ध र पर्यटन समितिको बैठकमा बोल्दै उहाँले यस्तो बतउनुभएको हो । उहाँले यसलाई अझ व्यवस्थित गर्न जरुरी रहेको बताउनु भयो । उहाँले एभरेष्ट बेसक्याम्प, अन्नपूर्ण बेसक्याम्प, गोसाईकुण्ड, लाङटाङ भ्यालीलाई अझ बढी व्यवस्थित बनाउन आग्रह गर्नुभयो । भारत र चिनियाँ पर्यटकलाई लक्षित गरेर पर्यटन प्रवद्र्धन गर्नुपर्नेमा जोड दिनुभयो ।
उहाँले भन्नुभयो, ‘अहिले टे«किङ एड्भेन्चियर टुरिजम नेपालको निम्ति एक नम्बरको प्राथमिकतामा परेको सबैभन्दा बढी टुरिस्टहरु पनि यही कारण आउने गरेका छन् । यो टे«किङ जानको निम्ति चार वटा प्रायोरिटी छ । एभरेष्ट बेसक्याम्प, अन्नपूर्ण बेसक्याम्प, गोसाईकुण्ड, लाङटाङ भ्याली नै हुन् । कतिपय टुरिस्टहरु नेपालमा आएर हाइकिङ जाने चाहना छ । विशेष गरेर भारत र चिनियाँ पर्यटकको । उहाँहरुसँग समय हुँदैन । काठमाडौं आइसकेर एभरेस्ट बेसक्याम्प गएर फर्किनको निम्ति उहाँहरुले तीनदेखि ४ हप्ताको बिदा लिदएर आउनुपर्छ ।’
सांसद जबराले उपत्यका वरपर निर्माण भएका ट्रेकिङ रुटलाई थप व्यवस्थित गर्न जरुरी रहेको बताउनु भयो ।
