एजेन्सी । इजरायल र इरानबीच जारी द्वन्द्वको आज १० औं दिन हो । अमेरिकास्थित मानव अधिकारकर्मी समाचार एजेन्सीका अनुसार जुन १३ देखि इरानमा ६५७ जनाको मृत्यु भएको छ भने २००० भन्दा बढी घाइते भएका छन् ।
यद्यपि, इरानको स्वास्थ्य मन्त्रालयले ४३० जना सर्वसाधारणको मात्र मृत्यु भएको र ३,५०० जना घाइते भएको पुष्टि गरेको छ । अर्कोतर्फ, इजरायलमा जुन २१ सम्म २४ जनाको मृत्यु भएको छ भने ९०० भन्दा बढी घाइते भएका छन् ।
यसैबीच, इरानका विदेशमन्त्री अब्बास अराक्चीले अमेरिकाले शक्ति र धम्कीको भाषा मात्र बुझेको बताउँदै अन्तर्राष्ट्रिय कानूनको वास्ता नगरेको आरोप लगाए ।
इरानमाथि आक्रमण गरेर अमेरिकाले आफ्नो उद्देश्यमा सफल हुन नसके पनि यस आक्रमणलाई बेवास्ता गर्ने नगर्ने चेतावनी दिउँदै उनले यसको जवाफ दिने बताए ।
अराक्चीले भने कि अमेरिकी राष्ट्रपति डोनाल्ड ट्रम्पले इरानलाई मात्र धोका दिएका छैनन् तर आफ्नै देशका जनतालाई पनि धोका दिएका छन् ।
इरानले पहिले पनि पश्चिमी देशहरूलाई विश्वास नगरेको जनाउँदै अब उनीहरूलाई विश्वास नगर्ने कारण बढेको बताए ।
