काठमाडौँ । आईसीसी क्रिकेट विश्वकप लिग–२ क्रिकेटअन्तर्गत नेपालले नेदरल्याण्ड्ससँग प्रतिस्पर्धा गर्दैछ ।
डुनेडीमा केहीबेरमै सुरु हुने खेलमा नेपालले टस हारेको छ भने नेपालले पहिले ब्याटिङ गर्ने भएको छ । नेदरल्याण्ड्सका कप्तान स्कट एड्वार्ड्सले टस जितेर नेपाललाई पहिले ब्याटिङको निम्तो दिएका हुन् ।
नेपालले यस खेलमा तीन परिवर्तन गरेको छ । चोटका कारण बाँकी खेल गुमाएका सोमपाल कामी र गुल्शन झाको स्थानमा नन्दन यादव र बसिर अहमद टिममा आएका छन् ।
ओपनिङ ब्याटर आसिफ शेखको स्थानमा अनिल शाह आएका छन् । नन्दनले नेपालका लागि डेब्यू गर्नेछन् । यसअघि एकपटक टिममा परेपनि उनले मौका पाएका थिएनन् ।
नेपालले यसअघि भएको खेलमा नेदरल्याण्ड्सलाई हराएको थियो ।
