काठमाडौँ । प्रतिपक्ष दलले भिजिट भिसा प्रकरणमा जोडिएका गृहमन्त्री रमेश देखकको राजीनामा नआएसम्म सदन चल्न नदिने भएका छन् ।
केहीबेरअघि बसेको बैठकले आफ्नो अडानबाट ब्याक नहुने निर्णय गरेको हो ।
बैठकमा रास्वपा, एकीकृत समाजवादी लगायतका विपक्षी दलका शीर्ष नेताहरु सहभागी थिए ।
अर्कोतर्फ सत्तापक्षले भने विपक्ष दलको अवरोधकाबीच आज गृहमन्त्रीलाई जवाफका लागि सदनमा उभ्याउने तयारी गरेको छ ।
गृहमन्त्रीसहित प्रधानमन्त्री ओली र कांग्रेस सभापति शेरबहादुर देउवासहितको बैठकले गृहमन्त्रीले राजीनामा नदिने तर सदनमा बोल्ने निर्णय गरेको छ ।
बिहान ११ बजेलाई बोलाएको बैठक अहिलेसम्म सुरू हुन सकेको छैन ।
