काठमाडौं । रौतहटको गौर नगरपालिका ४ स्थित राइजिङ नेपाल सुधार केन्द्रमा एक व्यक्तिमाथि निर्घात कुटपिट भएको छ ।
उक्त सुधार केन्द्रमा एक व्यक्तिमाथि अमानवीय तरिकाले कुटपिट भएको भिडिओ सामाजिक सञ्जालमा सार्वजनिक भएको छ ।
ती व्यक्तिलाई तीन जना मिलेर पैतलामा सतो पाइप जस्तो देखिने वस्तुले कुटपिट गरिरहेको भिडिओमा देखिन्छ । ४१ सेकेन्डको भिडिओमा कुट्दा कराएको आवाज नसुनिओस् भनेर गीत बजाएको सुनिन्छ।
उक्त सुधार केन्द्रका सञ्चालक सुरज साह कानूले आफूसँग ब्ल्याकमेल गर्न एक कर्मचारीले भिडिओ बनाएर भाइरल गरेको बताए ।
कुट्ने व्यक्ति सिपु पाण्डे र भिडिओ बनाउने विकास गुप्तालई सात महिना अगाडि नै प्रहरीमा उजुरी दिईसकेको र उनीहरुलाई जागिरबाट निकालिसकेको उनले बताए । यस्तै, कुटिएको व्यक्ति पनि एक महिना मात्रै सुधार केन्द्रमा बसेर गइसकेको उनको भनाई छ ।
उक्त भिडिओबरे अनुसन्धान भईरहेको जिल्ला प्रहरी कार्यालय रौतहटका डीएसपी दीपक कुमार रायले जानकारी दिए । त्यसपछि भिडिओको वास्तविकता पत्ता लाग्ने र कारबाही प्रक्रिया अघि बढ्ने उनले बताए ।
