काठमाडौं। नेपाल विश्वविद्यालयको उपकुलपतिमा वरिष्ठ छातीरोग विशेषज्ञ प्राडा अर्जुन कार्की नियुक्त भएका छन्।
विश्वविद्यालयको संरक्षक परिषद् (बोर्ड अफ ट्रस्टी)को बैठकले सिफारिस समितिको सुझावमा कार्कीलाई नियुक्त गरेको हो। नेपाल विश्वविद्यालय ऐन, २०८१ अनुसार गठित संरक्षक परिषद्को निर्णयमा पूर्वाधार विकास विज्ञ प्राडा सूर्यराज आचार्य रजिष्ट्रारमा नियुक्त भएका छन्।
प्राडा कार्की यसअघि पाटन स्वास्थ्य विज्ञान प्रतिष्ठानका उपकुलपति समेत भइसकेका छन्। परिषद्का सदस्यहरूमा डा. राम मनोहर श्रेष्ठ, डा. शिवा थापा, डा. जगदीश चन्द्र पोखरेल, डा. विपिन अधिकारी, डा. विमला राई पौड्याल, लक्ष्मीदेवी पाण्डे, इन्जिनियर लाल कृष्ण केसी, माधव प्रसाद पौडेल, रामेश्वर खनाल र चाँदनी जोशी रहेका छन्।
