एजेन्सी । बलिउड अभिनेत्री ज्याकलिन फर्नान्डिसकी आमा किम फर्नान्डिसको आज बिहान निधन भएको छ ।
उनकी आमा विगत केही दिनदेखि मुम्बईको लीलावती अस्पतालमा भर्ना थिइन् । खबर पाएलगत्तै सबैजना अस्पताल पुगेका छन् ।
२४ मार्चमा ज्याकलिनकी आमा किमलाई हृदयाघात भयो, त्यसपछि उनलाई आकस्मिक अवस्थामा मुम्बईको लीलावती अस्पतालमा भर्ना गरिएको थियो । उनको अवस्था नाजुक बन्दै गयो ।
आमा भर्ना भएपछि ज्याकलिनले कामबाट विश्राम लिइन् र अस्पतालमा थिइन् । उनलाई पटक–पटक अस्पतालमा भेटिएको थियो ।
ज्याकलिनले केही समयअघि इन्डियन प्रिमियर लिगमा प्रदर्शन गर्ने तय भएको थियने । उनको प्रदर्शन २६ मार्चमा राजस्थान रोयल्स र कोलकाता नाइट राइडर्स बीचको खेलको उद्घाटन समारोहमा हुने थियो ।
यसका लागि सबै तयारी पनि भइसकेको थियो तर आमालाई हृदयघात भएपछि ज्याकलिनले आईपीएलमा प्रदर्शन गर्न पाइनन् ।
एक साताअघि सलमान खान पनि ज्याकलिन फर्नान्डिसकी आमा किमलाई भेट्न लीलावती अस्पताल पुगेका थिए । दुवै चाँडै ‘किक २’ मा सँगै देखिनेछन् ।
ज्याकलिनकी आमालाई सन् २०२२ मा पनि हृदयाघात भएको थियो । त्यसबेला उनको बहराइनमा उपचार भएको थियो ।
ज्याकलिनकी आमा किम मलेसियाकी नागरिक थिइन् । उनी एयर होस्टेस भइन् । किमले श्रीलंकाका व्यापारी एलरोय फर्नान्डेजसँग विवाह गरेकी हुन् । ज्याकलिनसँगै उनका ४ सन्तान छन् ।
