एजेन्सी । आइपिएल–१८ अन्तर्गत आइतबार भएको दोस्रो खेलमा चेन्नई सुपर किंग्सले मुम्बई इन्डियन्सलाई ४ विकेटले पराजित गर्यो ।
चेपौक स्टेडियममा एमआईले सीएसकेलाई १५६ रनको लक्ष्य दिएको थियो। जवाफमा कप्तान रुतुराज गायकवाड र रचिन रविन्द्रको अर्धशतकको मद्दतले चेन्नईले ६ विकेटमा १५८ रन बनाएर जित निकालेको हो ।
खेलको क्रममा धेरै रोचक क्षण र रेकर्डहरू देखियो। आउट भएपछि रायन रिकेल्टनले स्टम्पमा ब्याट हाने । एमएस धोनीले सूर्यालाई ०.१२ सेकेन्डमा स्टम्प गरे। यस्तै, रोहित आइपिएलमा १८ औं पटक शून्य रनमा आउट भए । यस्ता छन् अन्य रोचक क्षणहरुः
रोहित पहिलो ओभरमा आउट
मुम्बईका तर्फबाट रोहित शर्मा खाता नखोलेर प्याभिलियन फर्किएका थिए । उनलाई पहिलो ओभरको चौथो बलमा खलिल अहमदको हातमा मिड विकेटमा शिवम दुबेले क्याच आउट गरेका थिए।
रिकल्टनले आउट भएपछि स्टम्पमा हिर्काए
मुम्बई इन्डियन्सले तेस्रो ओभरमा दोस्रो विकेट गुमाएको थियो। ओभरको दोस्रो बलमा खलिल अहमदले रायन रिकेल्टनलाई बोल्ड गरे। आउट भएपछि रिकेल्टनले रिसले ब्याटले स्टम्पमा हिर्काएका थिए ।
अश्विनलाई पहिलो ओभरमा विकेट
३५९० दिनपछि चेन्नई फर्किएका रविचन्द्रन आश्विनले आफ्नो पहिलो ओभरमा विकेट लिएका थिए । उनले इनिङ्सको ५ औं ओभरमा विल ज्याकलाई क्याच आउट गरेका थिए । चौथो बलमा अश्विनले गुड लेन्थ बलमा बल दिए । ज्याक मिडअफमा ठूलो शट खेल्न गए, तर शिवम दुबेले क्याच गरे। ज्याकले ७ बलमा ११ रन बनाए ।
धोनीले सूर्यालाई ०.१२ सेकेन्डमा स्टम्प गरे
११ औं ओभरमा नूर अहमदले सूर्यकुमार यादवलाई आउट गरे । उनलाई एमएस धोनीले विकेट पछाडि स्टम्प गरेका थिए । मुम्बईका कप्तान सूर्यकुमार यादव अगाडि बढेर ठूलो शट खेल्न चाहन्थे तर चुकेका थिए । यहाँ धोनीले फास्ट स्टम्पिङ गरे । उनले ०.१२ सेकेन्डमा स्टम्पिङ गरेका थिए ।
धोनीले डीआरएस लिए, सेन्टनरलाई आउट गरे
मुम्बईले १८ औं ओभरको अन्तिम बलमा ८ औं विकेट गुमाएको थियो । नाथन एलिसको सर्ट अफ लेन्थ बल मिचेल स्यान्टनरको प्याडमा प्रहार भयो। चेन्नईको टोलीले अपिल गरेपछि अम्पायरले नटआउट दिए । कप्तान रुतुराज गायकवाडले एमएस धोनीको अनुरोधमा समीक्षा लिएका थिए। डीआरएसमा सान्टनर आउट भएका थिए ।
