एजेन्सी । इन्डियन प्रिमियर लिग (आईपीएल)को १८ औं सिजनको चौथो खेलमा आज दिल्ली क्यापिटल्स (डीसी) र लखनउ सुपरजायन्ट्स (एलएसजी) खेल्दैछन् ।
दिल्लीको दोस्रो घरेलु मैदान, डा वाईएस राजशेखर रेड्डी क्रिकेट स्टेडियम, विशाखापट्टनममा हुन लागेको खेल नेपाली समयअनुसार बेलुकाको ७ः४५ बजेबाट सुरु हुनेछ। यहाँ दुवै टोली पहिलो पटक आमनेसामने हुँदैछन् ।
आज दुवै टोलीका पूर्व कप्तान आफ्नै पुरानो टोलीसँग भिड्न सक्नेछन् । गत वर्ष ऋषभ पन्त दिल्लीको कप्तान थिए भने केएल राहुल लखनउको कप्तान थिए। पन्तलाई मेगा अक्सनमा लखनउले २७ करोडमा किनेको थियो, जुन इतिहासकै सबैभन्दा महँगो खेलाडी हो । योसँगै राहुललाई दिल्लीले १४ करोडमा टिममा सामेल गरेको थियो ।
विकेटकिपर ब्याट्सम्यान केएल राहुल दिल्ली क्यापिटल्सका लागि पहिलो दुई खेलबाट बाहिर हुने बताईएको छ । उनको अनुपस्थितीमा अक्षर पटेलले कप्तानी सम्हाल्नेछन् ।
हेड टु हेडमा लखनउ अगाडि
आईपीएलमा हालसम्म लखनउ सुपर जाइन्ट्स र दिल्ली क्यापिटल्सबीच ५ खेल खेलिएका छन् । जसमा लखनउले ३ खेल जितेको छ भने दिल्लीले २ खेल जितेको छ । दुवै टोली पहिलो पटक विशाखापट्टनममा आमनेसामने हुँदैछन् ।
पिच रिपोर्ट
विशाखापट्टनमको पिच ब्याटिङमैत्री मानिन्छ। विशाखापट्टनममा अहिलेसम्म १५ आईपीएल खेलहरू खेलिएका छन्। जसमा ८ मा पहिले ब्याटिङ गर्ने टोली र ७ मा पछ्याउने टोली विजयी भएका थिए । यहाँको उच्चतम टोली स्कोर २७२/७ हो, जुन कोलकाता नाइट राइडर्सले गत सिजन दिल्ली क्यापिटल्स विरुद्ध बनाएको थियो।
सम्भावित प्लेईङ–११ः
दिल्ली क्यापिटल्स: अक्षर पटेल (कप्तान), ज्याक फ्रेजर(मगार्च, फाफ डु प्लेसिस, अभिषेक पोरेल, केएल राहुल, ट्रिस्टन स्टब्स, आशुतोष शर्मा, मिचेल स्टार्क, कुलदीप यादव, मुकेश कुमार, टी नटराजन, मोहित शर्मा।
लखनऊ सुपर जायन्ट्स: ऋषभ पन्त (कप्तान), अर्शिन कुलकर्णी, मिचेल मार्स, निकोलस पूरन, आयुष बडोनी, डेभिड मिलर, अब्दुल समद, शार्दुल ठाकुर, राजवर्धन हंगेरगेकर, रवि बिश्नोई, शामर जोसेफ, शाहबाज अहमद।
