काठमाडौँ । राजस्थान रोयल्सले आईपीएल २०२५ अघि आफ्नो टोलीमा ठूलो परिवर्तन गरेको छ । रियान परागलाई महत्वपूर्ण जिम्मेवारी दिइएको छ । व्यवस्थापनले रियानलाई कप्तान बनाएको छ ।
यसअघि टोलीको कप्तानी सञ्जु सामसनले गर्दै आएका थिए । तर, महत्वपूर्ण कुरा के छ भने पहिलो तीन खेलमा मात्रै रियानले कप्तानी पाएका छन् । सामसन आफैंले यो घोषणा गरे ।
आईपीएल २०२५ मार्च २२ बाट सुरु हुँदैछ। प्रतियोगिताको पहिलो खेल कोलकाता नाइट राइडर्स (केकेआर) र रोयल च्यालेन्जर्स बैंगलोर (आरसीबी)बीच हुनेछ ।
राजस्थानको पहिलो खेल सनराइजर्स हैदरावादसँग हुनेछ । यो खेल २३ मार्चमा राजीव गान्धी स्टेडियममा हुनेछ ।
रियानले यो खेलबाट आफ्नो नयाँ इनिङ्स सुरु गर्नेछन् । उनले टोलीको कप्तानी गर्नेछन् । सामसन पनि प्लेइङ इलेवनमा रहनेछन् । तर उनले विकेटकिपर ब्याट्सम्यानको रुपमा मात्रै खेल्नेछन् ।
