काठमाडौं । सामाजिक सद्भाव कायम गर्न राष्ट्रिय स्वतन्त्र पार्टी (रास्वपा)का सभापति रवि लामिछानेले धार्मिक अगुवाहरूसँग छलफल थालेका छन् ।
शुक्रबार पार्टीको संसदीय दलको कार्यालयमा सभापति लामिछानेले मौलाना नरुल हुसेन र मौलाना मोहम्मद खालिदसँग छलफल गरेका हुन् ।
त्यसैगरी उनले विश्व हिन्दु महासंघका महासचिव रामचन्द्र तिवारी र सचिवालय सदस्य राजुराज फुयालसँग पनि संयुक्त रूपमा छलफल गरिरहेका छन् ।
छलफलका क्रममा सुनसरी, सिराहा लगायत देशका विभिन्न स्थानमा भइरहेको प्रदर्शन रोक्न तथा सामाजिक सद्भाव कायम राख्न धार्मिक अगुवामार्फत शान्ति र सद्भावको अपिल गर्न आग्रह गरिएको बताइएको छ ।
