काठमाडौँ । नेपाली कांग्रेसका सभापति शेरबहादुर देउवाको भारत भ्रमण रद्द भएको छ ।
इण्डिया फाउण्डेसनले आयोजना गरेको ‘कुम्भ ग्लोबल समिट अन डेभलपमेन्ट एण्ड सस्टेइनबेलीटी’ मा वक्ताको रुपमा सहभागी हुन देउवा आज भारत जाने तयारीमा थिए । तर, कार्यक्रम तय भए पनि स्थगित गर्नुपरेको कांग्रेस केन्द्रीय कार्यालयका मुख्यसचिव कृष्णप्रसाद पौडेलले जानकारी दिए ।
भारतमा कुनै उच्चस्तरीय भेटघाट नहुने देखेपछि अन्तिममा आएर देउवाले यो कार्यक्रम स्थगित गरेका बताईएको छ ।
यसअघि इन्डिया फाउन्डेसनले नेपालका पूर्व प्रधानमन्त्री कुम्भ ग्लोबल समिट कार्यक्रममा आउँदै छन् भनेर प्रचारप्रसार गरेका थियो ।
