काठमाडौँ । इंग्लिस प्रिमियर लिग फुटबलमा म्यान्चेस्टर सिटीले सहज जित निकालेको छ ।
गएराति भएको खेलमा सिटीले न्युक्यासल युनाइटेडलाई ४–० गोलले हराएको हो ।
घरेलु मैदान इतिहाडमा सिटीलाई फराकिलो जित दिलाउन ओमार मार्मोउसले ह्याट्रिक गरे भने एक गोल जेम्स म्याक्टीले थपे ।
ओमारले खेलको पहिलो हाफमै ह्याट्रिक गरे । उनले १९, २४ र ३३ औं मिनेटमा गोल गर्दै ह्याट्रिक पूरा गरे । यता, ८४ औं मिनेटमा जेम्सले गोल थप्दै सिटीलाई ४–० को जित दिलाए ।
यो नतिजासँगै सिटी २५ खेलबाट ४४ अंकका साथ तालिकाको चौंथो स्थानमा छ भने न्युक्यासल ४१ अंकका साथ सातौं स्थानमा छ ।
