काठमाडौं । रियल मड्रिड कोपा डेल रेको सेमिफाइनलमा प्रवेश गरेको छ । गएराति भएको क्वाटरफाइनलमा लेगानेसमाथि २-३ को रोमाञ्चक जित निकाल्दै रियलले अन्तिम चारको स्थान पक्का गरेको हो ।
खेलको १८ औं मिनेटमा लुका मड्रीचले गोल गर्दै रियललाई सुरुवाती अग्रता दिलाएका थिए । २५ औं मिनेटमा एन्ड्रीचले गोल थप्दै रियलको अग्रता दोब्बर पारे । ३९ औं मिनेटमा जुआन क्रुजले पेनाल्टीमार्फत गोल गर्दै लेगानेसलाई १-२ को स्थितिमा ल्याए ।
यस्तै, ५९ औं मिनेटमा क्रुजले नै व्यक्तिगत र टोलिका लागि दोस्रो गोल गरेपछि लेगानेस २-२ को बराबरीमा आयो ।
तर खेल सकिनै लाग्दा इन्जुरी समयमा गोन्जालो गार्सियाले गोल गर्दै रियललाई सेमिफाइनलको टिकट कटाए ।
