काठमाडौं । जापानमा नेपाल एयरलाइन्सको आरए ४३४ नम्बरको बाइडबडी विमान बिग्रिएको छ ।
नेपाली समय अनुसार बिहान ६ः१० बजे उडान भर्न लागेको विमानको ‘टायर पन्चर’ भएपछि उडान हुन नसकेको हो ।
विमानको ‘टायर ब्लास्ट’ भएपछि उडान हुन नसकेको नेपाल वायुसेवा निगमका प्रवक्ता (प्राविधिक) मनोज कुमार ठाकुरले जानकारी दिए । विमान मर्मत गर्न यहीँबाट प्राविधिक लिएर जाने कि उतै मर्मत गर्ने भन्ने विषयमा छलफल भइरहेको उनले बताए ।
उनले भने, ‘यताबाट प्राविधिक लैजाने कि उतैको प्राविधिक लगाएर मर्मत गर्ने भन्नेबारे हामी छलफल गरिरहेका छौं, निर्णय गरेर मर्मत अगाडी बढाउँछौं।’
