काठमाडौँ । ताप्लेजुङको पाथिभरा क्षेत्रमा केबलकारको विरोधमा रहेको पहिचान पक्षधरलाई वार्तामा आउन आह्वान गरिएको छ ।
कोशी प्रदेश सरकारले गठन गरेको वार्ता टोलीले पहिचान पक्षरलाई वार्तामा बोलाएको हो ।
गत शनिबार प्रहरी र पहिचान पक्षधरबीच भएको झडपपछि प्रदेश सभाको बैठकमा सांसदले ताप्लेजुङको विवाद वार्ताबाट समाधान गर्न माग गरेका थिए ।
मंगलबार बसेको सरकारी वार्ता टोलीको बैठकले प्रदेशमा आन्दोलनरत पहिचान पक्षधरलाई वार्तामा आउन आह्वान गरेको हो ।
झडपमा प्रहरीले चलाएको गोली लागेर २ सहित तीन जना गम्भीर घाइते भएका थिए । उनीहरुको शिक्षण अस्पताल काठमाडौंमा उपचार भइरहेको छ । झडपमा २१ प्रहरी घाइते भएका थिए ।
