काठमाडौं । नेपाली राष्ट्रिय क्रिकेट टोलीका पूर्वकप्तान तथा लेग स्पिनर सन्दीप लामिछाने कारबाहीमा परेका छन् ।
लामिछानेलाई नेपाल क्रिकेट संघ (क्यान)ले क्यान अनुशासनको कारबाही गरेको हो ।
क्यानका प्रवक्ता छुम्बी लामाका अनुसार गत साता सम्पन्न जय ट्रफी एलिट कपका बेला उनले अम्पायरको निर्णयबारे सामाजिक सञ्जालमा लेखेका थिए । सोही विषयमा उनलाई कारवाही गरिएको बुझिएको छ ।
लामिछानेलाई क्यानले एक खेलका लागि निलम्बन गर्दै स्पष्टीकरण समेत सोधेको छ ।
सन्दीप अब क्यानले आयोजना गर्ने कुनै प्रतियोगितामध्ये एक खेल खेल्नबाट बञ्चित हुनेछन् ।
