काठमाडौँ । नेपाली कांग्रेसका नेता डा शेखर कोइरालाले लोकतन्त्रमा कुनै वहानामा कसैमाथि भौतिक आक्रमण स्वीकार्य नभएको बताएका छन् ।
बुधबार जिल्ला अदालत परिसरमा वरिष्ठ अधिवक्ता दिनेश त्रिपाठीमाथि भएको आक्रमणबारे सामाजिक सञ्जालमा लेख्दै उनले यस्तो बताएका हुन् ।
कोइरालाले त्रिपाठीमाथिको आक्रमण पराजित मानसिकताको उपज भएको बताएका छन् । उनले यस्ता कार्यमा निन्दा गर्नुपर्ने बताउदै दोषिमाथि कारवाही गर्न माग गरेका छन् ।
बुधबार स्वर्णलक्ष्मी बहुउद्देश्यीय सहकारी संस्था ठगीमा रास्वपा सभापति रवि लामिछानेविरुद्ध जाहेरी पक्षमा तर्फबाट बहस गरेर फर्किने क्रममा अधिवक्ता त्रिपाठीमाथि अदालत परिसरमै हातपात भएको थियो ।
सामाजिक सञ्जाल फेसबुकमा नेता कोइरालाको स्ट्याटस यस्तो छः
लोकतन्त्रमा कुनै वहानामा कसैमाथि भौतिक आक्रमण स्वीकार्य छैन । वरिष्ठ अधिवक्ता दिनेश त्रिपाठीमाथिको आक्रमण पराजित मानसिकताको उपज हो । यस्ता कार्यको सवै मिलेर निन्दा गरौं । दोषिमाथि कारवाही गर्न ढिला नगरौं ।
