काठमाडौं । जय ट्रफी एलिट कप क्रिकेटको फाइनलअन्तर्गतको तेस्रो दिनको खेलमा नेपाल पुलिस क्लबले त्रिभुवन आर्मी क्लबलाई १०३ रनको लक्ष्य दिएको छ ।
वीरगञ्जस्थित नारायणी क्रिकेट मैदानमा दोस्रो इनिङमा पुलिस १३९ रनमा अलआउट भएको हो ।
९ विकेटको क्षतिमा १ सय ३२ रनबाट पुलिसले तेस्रो दिनको खेल सुरु गरेको थियो । ७ रन जोड्दा टोली अन्तिम विकेट गुमाएपछि दोस्रो इनिङमा पुलिसले १ सय २ रनको अग्रता बनायो। पुलिसका लागि कुशल भुर्तेलले ४५ रन जोडे। अमितले १३ रन जोडे। दीलिप नाथ ३४ तथा रासिद खान १८ रन बनाए। पुलिसका अन्य ब्याटरले दोहोरो अंकमा रन जोड्न सकेनन् ।
आर्मीका बसिर अहमद र साहब आलमले समान ५ विकेट लिए ।
पहिलो इनिङमा पुलिसले ९ विकेटको क्षतिमा १ स सय ३३ रन बनाउँदै इनिङ समाप्तिको घोषणा गरेको थियो भने आर्मीले १ सय ७० रन बनाएको थियो ।
अहिले आर्मीले ब्याटिङ गरिरहेको छ ।
