काठमाडौँ । जय ट्रफी एलिट कपको फाइनलमा नेपाल पुलिस क्लब र त्रिभुवन आर्मी क्लबीच प्रतिस्पर्धा जारी छ ।
पहिले ब्याटिङ गरेको पुलिसले पहिलो दिनको खेल समाप्त हुँदा २ विकेट क्षतिमा ८५ रन जोडेको छ ।
वर्षाका कारण आजको खेल दिउँसो मात्र सुरु भएको थियो । आर्मीले टस जितेर पहिले फिल्डिङ रोज्यो । पुलिसले पहिलो बलमै ओपनर दिलिप नाथलाई गुमाए पनि अर्का ओपनर कुशल भुर्तेलले इनिङ सम्हाले । उनले अर्धशतक बनाउँदै टीमलाई सम्हालेका छन् ।
भुर्तेलले ५१ बलमा अर्धशतक पूरा गरेका हुन् । उनले ६ चौका प्रहार गरेका छन् । प्रतियोगितामा उनको यो दोस्रो अर्धशतक हो ।
तेस्रो नम्बरमा आएका अमित श्रेष्ठ ३९ बलमा २० रन बनाएर आउट भए । क्रिजमा भुर्तेललाई अर्जुन साउदले साथ दिइरहेका छन् । १३ बल फेस गरेका अर्जुनले खाता खोलेका छैनन् ।
आर्मीका लागि सोमपाल कामी र सहाब आलमले एक–एक विकेट लिएका छन् । जय ट्रफीको फाइनल तीन दिवसीय हुनेछ । पहिलो दिन वर्षाका कारण १७ ओभरको खेल मात्रै भएको छ ।
