काठमाडौं । पोखराको सूर्यदर्शन बचत तथा ऋण सहकारीको रकम हिनामिनाको मुद्दामा हिरासतमा रहनु भएका राष्ट्रिय स्वतन्त्र पार्टीका सभापति तथा पूर्व गृहमन्त्री रवि लामिछाने अदालतले तोकेको धरौटी बुझाएर आजै रिहा हुनु भएको छ । लामिछानेले बैंक ग्यारेन्टीमार्फत धरौटी रकम अदालतलाई बुझाउनु भएको छ । उहाँले ६५ लाख रुपैयाँ बराबरको बैंक ग्यारेन्टी बुझाउनु भएको हो ।
कास्की जिल्ला अदालतले मुद्दा चलेका अन्य जिल्लामा आफै उपस्थित हुने गरि लामिछानेलाई परिवारको जिम्मा लगाएको हो ।
रास्वपा नेता प्रमोद न्यौपानेका अनुसार रास्वपा सभापति रवि लामिछाने आजै छुट्ने र कास्कीमा छुटे लगत्तै काठमाडौं लैजान प्रहरीले पक्राउ गर्ने भनिएकोमा जिल्ला अदालत काठमाडौंमा आफैं उपस्थित हुन जाने तयारी भै रहेको छ ।
