काठमाडौं । पूर्वराजा ज्ञानेन्द्र शाह भारत भ्रमण पूरा गरेर स्वदेश फर्कनुभएको छ । पश्चिम नेपालको भ्रमणकै क्रममा पूर्वराजा शाह यही पुस ७ गते आइतबार भारत जानुभएको थियो ।
पूर्वराजा शाहले भारतको लखनउमा विभिन्न धार्मिक स्थलहरुको भ्रमण गरी पूजा अर्चना गर्नुभएको थियो ।
लखनउमा रहँदा पूर्वराजा शाहले केही भेटवार्तासमेत गर्नुभएको बताइएको छ । उहाँ आज नेपालगन्ज फर्कनुभएको हो ।
यसअघि मंसिर २२ गते पूर्वराजा नेपालगञ्ज जानुभएको थियो । उहाँले बागेश्वरी मन्दिरमा पूजाआजा गर्नुभएको थियो ।
यसैगरी पूर्वराजा शाह बर्दियाको बाह्रबिगामा आयोजना भएको श्रीमद् भागवती धनधान्याञ्चल सप्ताह महायज्ञमा सहभागी हुनुभएको थियो ।
मंसिर २९ गते शनिबार तुल्सीपुरमा रहेको स्वर्गीय राजा वीरेन्द्र स्मृति पार्कमा पुग्नुका साथै घोराहीमा रहेको पाण्डभेश्वर मन्दिरमा पुगेर पूजाअर्चना गर्नुभएको थियो ।
