काठमाडौँ । इंग्लिस प्रिमियर लिग फुटबलमा टोटेनहमले बराबरी खेलेको छ । गएराति भएको खेलमा टोटेनहम र वल्भ्सले २–२ गोलको बराबरी खेल्दै अंक बाँडेका हुन् ।
खेलको सातौं मिनेटमा हि चानले गोल गर्दै वल्भ्सलाई सुरुवाती अग्रता दिलाएका थिए । १२ औं मिनेटमा रोड्रिगो बेन्टन्कुरले गोल गर्दै घरेलु टोलिलाई १–१ गोलको बराबरीमा ल्याए ।
यस्तै, पहिलो हाफको इन्जुरी समयमा ब्रेनन जोनसनले गोल गर्दै टोटेनहमलाई २–१ ले अघि बढाए । यता, ८७ औं मिनेटमा योर्गन लार्सेनले गोल गर्दै वल्भ्सलाई बराबरीमा ल्याए ।
योसँगै टोटेनहम १९ खेलबाट २४ अंकका साथ तालिकाको ११ औं स्थानमा छ भने वल्भ्स १६ अंकका साथ १७ औं स्थानमा छ ।
